Söýýäniñ çyn bolsa
Söýýäniñ çyn bolsa
Eger meni söýýänligiň çyn bolsa,
Maňa garap, “Söýýän” diýip aýtma sen.
Eger meni söýýänligiň çyn bolsa,
Barybir bilerin aýtsaň-aýtmasaň.
Gözleriňe bakyp bilerin ony,
Söýginiň gözelri şeýledir başdan.
Garaňky gijeler çopan goşunda,
Ýakylan ot kimin görüner daşdan.
Gaý-tupanda galsam, ýatlasam seni,
Meni gara gözleň hemişe goldar.
Eger şol gözleriň aldaýsa meni,
Senem ol gözlerden isleme dalda,
Meni aldan gözler,
Seni-de aldar.
1967.
Halyl KULYÝEW
