«Ýeriň titremeginiň sebäplerini…»

"Ýeriň titremeginiň sebäplerini…" «ÝERIŇ TITREMEGINIŇ SEBÄPLERINI…»

Ýeriň titremeginiň sebäplerini,
Ogly atasyna düşündirýärkä,
Çölüň jümmüşinde, çopan goşunda
Irkiräk döwürde boldy bu waka.

Ogul gürrüň berdi, ata diňledi,
Diýdi onsoň:
— Indi maňa gulak as.
Diýipdirler: ody özgä basmankaň,
Ony ilki bilen öz-özüňe bas.

Ýeriň astyn-üstün gorjap çykdyňyz,
Galmady görgiliň bir bitin ýeri.
Eger şeýdip çişläp dursaň gerşiňi
Aýt, seniň özüň näderdiň,
Ýeri?..

Berdinazar HUDAÝNAZAROW.

«Edebiýat we sungat» gazeti, 03.10.1986 ý. Goşgular