|

Utandyrmak

Utandyrmak Utandyrmak

Üýşüp dostuňka bolarsyň myhman,
Iň ilkinji hezzet – çaý bilen çörek.
Käsi diýer: “Getirsene naharňy
Soňky çykan zatlar nämäme gerek?”

Meniň söwer dostum,
Gadyrdan dostum,
Sen näm üçin ýüreklerde dag goýýaň?
Ýaşyň biziňkiden kiçemä-hä däl,
Ýa-da unutdyňmy baryny eýýäm.

Sorap gör eneňden unudan bolsaň,
Diňe şonda düşünersiň bada-bat.
Biziň üçin juda gymmat düşendir
Beýik mertebeli “SOŇKY ÇYKAN ZAT”

Şu günüň kakabaş ýetginjeklerniň
Gulagyndan çekip, berkiräk darap, —
Bu zatlary öwretmeli halyňa,
Seň özüň otyrsyň gazaply sorap.

…Şu beýik däbimiz ömür ýitmesin,
elmydama açyk bolsun gapylar.
Çaý bilen çöregmiz mydam bar bolsun,
Başgasynyň bir alajy tapylar.

Halyl Kuly. Goşgular

image_pdfMakalany PDF görnüşde ýükle

Больше на Kitapcy.su

Subscribe to get the latest posts sent to your email.

Похожие записи