Nar
Nar
Ýetişen nar şahasynda düzümdi,
Gol uzatdym, üç nar birden üzüldi.
Bir şahada ýetişse-de bary,
Görsene, bişmändir ýary.
Biri çala, biri orta, biri öte bişipdir.
Ýogsa ir dal, mazaly güýz düşüpdir.
«Güýz» diýemde, birden tisgindi ýürek,
Ýada düşdi ömrümiñem güýzani.
Gyş geler, müdümi uka gidersiñ,
Egsip ýetişmäkäñ gorly küýzäñi.
Gelse gelsin gyş ukysy, ol hiç-le,
Ol uka gitmeli, irde ýa giçde.
Esasy zat,
Haýsy nara meñzärkäñ?
Çig gelip, çigligñe gitmän,
Bişip ýetişermikäñ?
Gyzylgül ANNAGYLYJOWA. Goşgular
