Janym eken

Janym eken JANYM EKEN

Jan kar-kara gelmeginçä,
Gadyr goýman hiç edenim.
Ýakyp dünýäñ ähli derdin,
Alowyndan çiş edenim.

Parça-parça ýolup etden,
Ol çişe düzdügim kebap.
Kimse mähre teşne bolup,
Sataşaýsa agzy kepäp.

Gandyryp öz gursagymyñ,
Mähir atly çeşmesinden.
Iñ soñunda gurap galan,
Şol teşneleñ etmişinden.

Iñ eziz zat janym eken,
Gadyr goýman hiç edenim.
Ýakyp dünýäñ ähli derdin,
Alowyndan çiş edenim.

Gyzylgül ANNAGYLYJOWA. Goşgular