Hakykatyň ýükün gerdenme ýükläp

Hakykatyň ýükün gerdenme ýükläp,
Güýjüm ýetmän arkamdaky gülbere.
Lütüm çykdy,Lut deý Hakyň sözüni,
Adamlara aýda-aýda,ýalbara.

Menem adam,ahyrsoňy ýadadym,
Daş zyňanyň garşysyna gül bere.
Dogry sözüm iblis ýüpün kertmänsoň,
Näme bolsa şol bolsun-a ýol bere.

Mundan beýläk çyrpynmagmy beş edip,
Arkamdaky ýagşyzada gol bere.
Men dynçlyk küýsedim öli deňziniň,
Sarsman ýatyşy deý, öwsen ýellere.

Gyzylgül Annagylyjowa