Enäniñ şanyna
Enäniñ şanyna
Yssydan gabanyp, sowukdan gorap,
Ýüz beladan, müñem howpdan gorap.
Razy bolup takdyryñdan, dünýeden
Çykardyñ çagañy «iññe-iññeden».
Keşbine bakanda çagañ kemini
Bilip duran beýik bir wraçsyñ sen.
Çaga señ eliñde oýnawaç däldir,
Çaganyñ elinde oýnawaçsyñ sen.
Ýüz-gözüñi näçe çytsañ çytyber,
Çaga bilýär: onuñ hökmi rowandyr.
Ene perzendine kalbyn emdiirip
Ýuwaş-ýuwaş, assa-assa ereýändir.
Enä düşünýäris elden giderip
Näçe ýokuş degse-de bu anykdyr.
Adamzadt ak süýt berip ulaldan
Eneler adamdan bir gez beýikdir!
Eñegime biten ata sakaly
Agaryp, seýrekläp, ýaş bardy çene…
Barlygyñda seni tanamandyrys,
Meniñ şol günämem
geçewer,
ENE!
Berdinazar HUDAÝNAZAROW. Goşgular
