|

Edähet

Edähet Berdinazar HUDAÝNAZAROW

▶ EDÄHET

Oñdum ýördüm berilenje paý bilen,
Siñek ýaly göze-başa düşmedim.
Özge üçin haýyş edip kiçeldim,
Özüm üçin welin kowalaşmadym.

«Sen akmak» diýdiler, gaty görmedim,
Ýöne olary-da saýmadym dana.
Hiç kimi äsgermän tañry bolandan,
Gol berenmi kem görmedim daýhana.

«Öz nebsini bilmez mahluk» diýdiler,
«Bolup biler» diýdim, inkär etmedim.
Olar zat çöpledi garynja bolup,
Men garynjañ ýodasyndan gitmedim.

Gazanjyñy sowýañ diýip garnyña,
Geñ gördüler. Men buýsançly ýylgyrdym.
Olar aý-ýyllary saklajak boldy,
Ýyllar bolsa geçdi göýä ýyldyrym.

Bir gün ajal geldi sorag-idegläp,
«Gaç, gizlen! -diýdiler — nalajedeýin»
Sömelip durşuma diýýärin menem:
«Takdyrymdan gaçyp nirä gideýin?»

Olar bolsa sümlüp gitdi bada-bat
Kimsi çöp-çalama, kimsi ýerdölä.
Ýöne… ýañkylary bir-bir aparyp,
Maña zat diýmedi şar gara bela.

«Äl, nähili adalatsyz ekeniñ»
Diýip, şonda nadyl boldum ölümden,
Ýogsam menem berlen öwütler üçin
Bir sag bolsun aýtjakdym öz dilimden.

* * *

Beýikler geçip dur yzly-yzyna,
Peslerem geçip dur hatarma-hatar.
Senem öz-özüñi aldama, adam,
Bu günler baky däl, bu günler öter.

Öz boýuñdan uzyn görünjek bolma,
Akylly-da bolma özüñden beter.
Ersen mahallaryñ ýada saljak bol,
Kimdigiñi tanap, bu günler öter.

Bir kişiñ göwnüni ýyladam bolsañzm
Yssysy seniñem kalbyña ýeter.
Dört pasylyñ aýlanşyndan many al,
Seni bir dem synlap, bu günler öter.

Bir aladañ özüñ bolsa ýeñildir,
Owunjak oýlaryñ özüñi üter.
Baş ýaýkap bakar-da beýle bolşuña
Bu günler öter.

Ömrüñ boýy aklym ýetmedik zada,
Iñ soñky minutda, elbetde, ýeter.
Ökünen bolarsyñ, oña çenli-de
Öter, bu ajaýyp ak günler öter.

Sen geleñde gujak açan tebigat
Şeýdip bir gün seni böwründen atar.
…Kän zat aldyñ bu owadan dünýäden,
Eçil, senem eçil! Bu günler öter. Goşgular

image_pdfMakalany PDF görnüşde ýükle

Больше на Kitapcy.su

Subscribe to get the latest posts sent to your email.

Похожие записи