Diriler we ölüler
Diriler we ölüler
Allaberdi Geldiýewiñ ýadygärligine
Ömür dek nurana zat bolup bilmez,
Bolup bilmez ölüm ýaly gara zat.
Gözel-gözel adamlaryñ näçesin
Alyp gitdi ajal atly harasat.
Ýyllar geçÿär, asyr geçýär aradan.
Mazarlar kemelýär, guburlar ýitÿär.
Başa iş düşende, kyn pursatlarda
Diriler olaryñ atlaryn tutýar;
«Ah, pylanyñ indi bilýän gadyryn».
«Ah, pylany häzir bolsady diri…»
…Kimler dirilikde peselip barýar,
Ölüp, öñküdenem beýgelýär biri…
Berdinazar HUDAÝNAZAROW. Goşgular
