Alabahar
Alabahar
Meñem tebigatym meñzeýän ýaly,
Aram howasyna, alabaharyñ.
Mahal-mahal görünse-de, sowuklaç,
Asla, gara gyşa dönmez gaharym.
Barybir süññümde mylaýymlyk bar,
Hala sowuk, hala mylakatly bil.
Bahar gelmese-de, umyt bagynda,
Gunçalandyr eýýäm kyrk gatlakly gül.
Gatbar-gatbar arzuwlardan ybarat,
Hiç kim onuñ hyýallarny añanok.
Göwnüm gyşdan beter bahara ýakyn,
Käte sowaýsa-da, uzak doñanok.
Doñmasa-da, men barybir gyşsyzam,
Jaý ýerinde baharsyzam oñamok.
Gyzylgül ANNAGYLYJOWA. Goşgular
