Ýazmaly wagtyñ
Ýazmaly wagtyñ
Şahyr Аmаnmуrаt Вugаýеwe
Püre-pürlär akyl käsäñ kyrkda,
Indi besdir, gezdiñ gezmeli wagtyñ.
Heniz öñde orta ýaş bar, gorp bar,
Geldi gaýnap-gaýnap ýazmaly wagtyñ.
Ýañyja-da «garaja oglan» diýerdik,
Bir-birege diñe daýy, ýegendik,
Şahyr bolup orta çykdyk, begendik,
Geldi kükräp-kükräp gyzmaly wagtyñ.
Il danadyr, tanar ýagşy-ýamany,
Ýaryşda öwülmez atyñ çamany,
Boguber şygyrdan elwan çemeni,
Geldi özgäñ derdin syzmaly wagtyñ.
Ýar ýaryñ söýgüsin okar gözünden,
Şahyrlar şahyry tanar gözünden,
Ýetip bolmaz, geçen göçüñ yzyndan,
Gelendir janyña dözmeli wagtyñ.
Bolsun il arzuwy maksat-myradyñ,
Şygryñy dost saýsyn ýakynyñ-ýadyñ,
Вuganуñ dogmasy Аmаnmyradym,
Geldi ýaryş gurap, ozmaly wagtyñ.
Ýylgaý DURDYÝEW.
«Garagum» žurnaly, 10/1992 ý. Goşgular
