Ol ne ýüzdür aşyk olmyş jümle şeýhi-şap oňa…

Ol ne ýüzdür aşyk olmyş jümle şeýhi-şap oňa…

Ol ne ýüzdür aşyk olmyş jümle şeýhi-şap oňa,
Janlar bolsun pida hem maly-mülki-esbap oňa.

Jan çekip, ganlar ýutup, perýat ederler ruzy-şeb,
Aşyky-biçäreler her dembe-dem aglap oňa.

Haýsy göz kim ol ýüzi görmiş hemişe bikarar,
Muntazyrdyr ruzy-şeb, bir zerre gelmez hap oňa.

Haktagala bu ýüze bimisil hemta eýlemiş, oňa,
Aý, Günden ýüz tümen artyk beripdir ap oňa.

Baş goýup ýatmyş gapyňda Gaýyby dek sed-hezar,
Bendeýi-permanda boldy, jan berip ahbap oňa. Goşgular