Garyp köñlümiñ soltany

Garyp köñlümiñ soltany «GARYP KÖÑLÜMIÑ SOLTANY»

Henizem gözlem ýoluñda,
Kalbymda yşgyñ armany.
Sataşmak barmy soñunda
Garyp köñlümiñ soltany.
Dertli ömrümiñ dermany.

Oýanyp säher sabada,
Otursam dileg dogada,
Gözümiñ ýaşy derýa deý,
Ummandan gözledim seni,
Garyp köñlümiñ soltany!

Gökde ikä bölünen Aý
Barmyka heý özüñe taý,
Hiç tapmaýyn janyma jaý,
Her ýandan gòzledim seni
Garyp köñlümiñ soltany.

Ýaşyl geýen sahypjemal,
Kalbym sensiz tapmaz kemal,
Sygman dag-düzlere sähra,
Asmandan gözledim seni,
Garyp köñlümiñ soltany.

Adyñ tutup säher saba,
Göz ýaşlarym boldy derýa.
Bağ içinde bilbilgöýä
Bossandan soradym seni,
Garyp köñlümiñ soltany

Bulutlar deý gonup-göçüp
Saña barýan ýollar geçip,
Söhbet üçin kitap açyp,
Diwandan gözledim seni,
Garyp köñlümiñ soltany.

Sylapberdi MUHAMOW.

09.05.23. Goşgular