Aglama sen, ýüregim!

Aglama sen, ýüregim! AGLAMA SEN, ÝÜREGIM!

Aglama sen, ýüregim!
Galdyň müň bir azapda.
Töhmetli ajy sözler,
Goýdy seni güzapda.

Aglama sen, ýüregim!
Özüň bilýäň derdimi,
Çekjegimi bilensoň,
Allam maňa berdimi?!

Aglama sen, ýüregim!
Birje zady aýdaýyn,
Öz bagtymy özümden
Gysgansalar nädeýin?!

Aglama sen, ýüregim!
Hemmäni dostum bildim.
Maňlaýyma urdular,
Ýalňyzlykda müň öldüm.

Aglama sen, ýüregim!
Aglatsam, geç günämi.
Garaşýan begençlerim,
Ýene geler bir güni.

Aglama sen, ýüregim!
Durmuş gözel! Söýeli!
Goşa gumrular ýaly,
Bagta gadam goýaly!

Oguljennet NAZAROWA,
Akdepe etraby. Goşgular