Ene söýgüsi (Hekaya)

WAŇ Si­aň­fu, hy­taý ýa­zy­jy­sy

Ýa­şy bir çe­ne ba­ran kä­bä­miň in­di öň­kü­li­gi ýok­dy. Diý­seň gar­rap­dy. Ogul-gyz­la­ry­nyň her­si bir enä­niň, bir ata­nyň or­nun­da dur­dy. Kä­te­ler aýak üs­tün­den di­ýen ýa­ly ge­lip, eje­miň aman-esen­di­gi­ni gö­rer­di­ler-de, ýe­ne-de öý­le­ri­ne do­lan­mak bi­len bo­lar­dy­lar. Ozal­lar ala­goh bo­lup, da­şy­ny gal­lap alan gol do­ly çül­pe-ça­ga­ly mäh­ri­ba­ny­myň hä­zir­ki wagt­da öýi bo­şap ga­lyp­dy. O dö­wür­ler bol­sa düýş ýa­ly bo­lup ge­çip gi­dip­di.

Bir ge­zek iş sa­pa­ry bi­len Hu­nan we­la­ýa­ty­na uzak wagt­lyk git­me­li bol­dum. Gaý­dy­şy­nam eje­miň­kä so­wul­dym. Og­lu­ny gö­ren ezi­zi­miň ök­je­si ýeň­läp­di. Otu­ran­da-tu­ran­da öň­kü­le­rin­den ýe­ňil gop­ýar­dy. Sa­ça­ga nä­me alyp goý­sa az gö­rüp, ýe­ne-de bir zat­lar bi­şir­me­giň ug­ru­na çy­kyp­dy.

— Na­ha­ryň ýa­ny bi­len içer ýa­ly di­ýu ( Diýu — tüwiň löderesinden süzülip taýýarlanan ýeňil içgi.) uza­da­ýyn­my, ba­lam?

— Bo­lar, eje.

Ejem şol ba­şa­gaý bo­lup ýör­şü­ne, ara­syn­da di­ýu­ny bul­gu­ry­ma gu­ýu­bam ýe­tiş­ýär­di. On­dan üç bul­gur iç­dim.

— Mu­nyň köp bol­ýa, ça­gam! In­di bes edäý! — diý­di.

Onuň bi­len ra­zy­laş­ýan äheň­de, ýa­ňy­bir eli­me alan bul­gu­ry­my goý­jak bol­du­mam we­lin, ejem häl­ki söz­le­ri­niň üs­tü­ni ýe­ti­rip:

— Ýog­sa-da, sen uzak ýol­dan aryp ge­len­siň, na­har­dan öň içe­niň bi­len hiç zat bol­maz — diý­di.

Içe­sim gel­ýän­dir di­ýip pi­kir eden bol­ma­ly. Iki ge­zek gu­ýup, ola­ram iç­dim. Çün­ki ejem jan me­niň is­le­gi­me ga­ra­ýar­dy. Men bol­sa eje­miň di­ýe­ni­ne ýok diý­me­jek bo­lup, onuň göw­nü­ni gör­mä­ge ça­lyş­ýar­dym.

— Og­lum, köp içi­ber­se­ňem hä­zir na­ha­ryň ta­ga­my­ny bil­mer­siň! — di­ýe­nin­de, ýe­ne des­si­ne sak­lan­dym. Ol mu­ňa-da ökü­nen ýa­ly mys­sa ýyl­gyr­dy:

— Ýe­ri bol­ýa, og­lum. Ýe­ke­je bul­gur iç­seň içäý. Şow­lu­lyk üçin… Goý, jü­büt bol­sun! — di­ýip, hut özi di­ýu­dan bir bul­gur guý­dy. Ony-da ba­şy­ma çek­dim. Ýö­ne in­di iç­me­je­gim çy­nym­dy. Söý­gü­den do­ly göz­le­ri bi­len ma­ňa ba­kan ejem ýe­ne-de is­le­ýän­di­rin öýt­di: «Ýe­ne­de­mi?! On­da al!» diý­di.

Bul­gu­ry­my dol­dur­dym-da, oňa se­re­dip, ony-da gö­ter­dim. «Bo­lar, bo­lar» di­ýen ejem bu sa­par di­ýu­ly ga­by elim­den al­dy…

Ene­lik söý­gü­si! Me­ge­rem, şu ene ham­rak­ly­gy bol­ma­ly. Hä­zir öňüm­de is­leg­le­ri­me gar­şy çyk­ýan, şol ba­da-da göw­nü­mi gör­jek bo­lup, ho­za­nak bol­ýan ejem bar­dy. Özem hut me­niň ejem!

As­lyn­da, bir­nä­çe ýyl bä­ri eje­miň öýü­ne ýa­kyn köp gat­ly jaý­la­ryň bi­rin­de maş­ga­lam bi­len ýa­şa­ýar­dym. Bir gün ejem ga­raş­man dur­kak bi­ze gel­di. Dör­dün­ji ga­ta kyn­lyk bi­len ga­lyp, de­mi­ni zor­dan al­ýar­dy. Ga­py­nyň sö­ýe­si­ne sö­ýe­nip, özü­ni dür­se­di. Yz ýa­nyn­da­nam ýat­ýan ota­gy­myň ni­re­de ýer­leş­ýän­di­gi­ni so­ra­dy. O wagt­lar gy­zym ki­çi­jik­di. Eje­si bi­len uly dü­şek­li giň otag­da ýat­ýar­dy. Men bol­sa ki­çi­jik otag­da bol­ýar­dym. Bu otag, ha­ky­kat­da­nam, öte dar­dy. Ýa­tal­ga­ny pen­ji­rä­niň öňün­dä­ki pe­jiň gap­da­lyn­da ýer­leş­di­rip bol­ýar­dy. Gün­do­gar ta­ra­pyn­da eşik asyl­ýan as­gyç dur­dy. Gün­ba­ta­ryn­da bol­sa ki­tap­lar üçin ni­ýet­le­nen aý­na­ly tek­je bar­dy.

Ejem:

— Ba­şy­ňy haý­sy ta­ra­pa go­ýup ýat­ýaň? — di­ýip so­ra­dy.

— Ge­ýim as­gy­ja ta­rap — diý­sem:

— Mu­nyň bol­ma­ýa. Ge­ýim as­gyç­da­ky eşik­ler dur­şu­na kir­şen­dir. Sen ba­şy­ňy gün­ba­ta­ra go­ýup ýat­gyn — di­ýip sar­ga­dy.

Bir­sa­lym otu­ran­dan soň, ýe­ne sö­zü­niň üs­tü­ni ýe­ti­rip:

— Gör­ýän we­lin, sen aý­na­ly ki­tap tek­je ta­ra­pa-da ba­şy­ňy go­ýup ýat­ma­saň go­wy. Se­bäp diý­seň, aý­na aý­na bol­ýa, bar­dy-gel­di ýer yra­nyp döw­läý­se er­bet bor…

Ejem ga­ra­şyl­ma­dyk ýer­den ýer yran­ma­sy­ny ýat­la­dy. Özem bol­ja­gy-bol­ma­ja­gy nä­bel­li ýer yran­ma­sy!

— Bol­ýa. Ýas­sy­gy­my ge­ýim as­gy­ja ta­rap go­ýup ýa­ta­ryn — diý­dim-de, ýe­ri­ni üýt­ge­den ýas­sy­gy­my öň­ki ýe­ri­ne ge­çir­dim. Bir bä­rik, bir aň­ryk se­re­den ejem bi­raz wagt­dan sö­zü­ni do­wam et­dir­di:

— Ba­lam, sen haý­sy ta­ra­pa ýü­zü­ňi öw­rüp ýat­ýaň; sa­ga­my ýa-da so­la?

— Ýü­zü­mi sa­ga öw­rüp ýat­ýan. In­di en­dik bo­lup gi­dip­dir.

— Ýok. Bol­maz. Ýü­zü­ňi pe­je ta­rap öw­rüp ýat­saň, ho­waň ýet­mez. Dem al­ma­gyň kyn­la­şar. Sen­de ça­ga­lyk­dan bä­ri dem alyş ýol­la­ryň­da kem­çi­lik bar ahy­ryn.

— Bol­ýa, eje… Aý­dy­şyň ýa­ly edip, çe­pi­me öw­rü­lip ýa­ta­ryn — diý­dim.

Ýas­sy­ga gö­zü­ni aý­lan ejem dü­şek­çä­mi el­le­ri bi­len ba­syş­dy­ryp gör­di. Ýe­ne-de bi­yn­ja­lyk bo­lup:

— Çe­pi­ňe ýat­saň, ýü­re­gi­ňe ag­ram dü­şer. Bu-da bol­maz. Ýü­zü­ňi ýo­ka­ryk tu­tup, ar­kan ýat­gyn, şeýt­seň ýe­ne go­wy bo­laý­ma­sa. Sen eje­ňi diň­le­gin ba­lam, bol­ýa­my? — diý­di.

Öň­kim ýa­ly:

— Bol­ýa, aý­dy­şyň ýa­ly ede­rin, eje! — diý­dim.

Şol wagt göz­le­ri­miň owa­sy ýaş­dan do­lup, ýa­ňa­gym­dan sy­ry­gyp gaýt­dy.

Hiç wagt eje­miň nä­hi­li uka gid­ýän­di­gi, nä­hi­li ýat­ýan­dy­gy ha­kyn­da as­la oý­lan­man­dym. Onuň bol­sa kü­ýi-kö­çe­si ça­ga­syn­da. Wah, meň mä­hir­den do­ly mäh­ri­ban ejem!

Ha­wa… Ejem gar­rap­dyr. Ol how­ly­nyň gi­rel­ge­sin­de, otu­ran ýe­rin­de eli­ni di­wa­ra di­räp, uzak­la­ra na­za­ry­ny di­ker­di. Her ge­zek ba­ra­nym­da, me­ni gö­re­ni­ne şeý­le­bir be­ge­ner­di we­lin, aý­dyp-di­ýer ýa­ly däl­di. Eje­miň bu şat­ly­gy ça­ga­lyk döw­rüm­de how­ly­my­zyň edil gi­rel­ge­sin­de du­rup, hut onuň gel­ýän­di­gi­ni gö­re­nim­dä­ki be­gen­ji­me meň­ze­ýär­di. Her gün ony gör­mä­ge bar­mak bi­len çäk­len­män, ge­rek zat­la­ry­ny al­ma­ga, öýü­ni ter­ti­be sal­ma­ga kö­mek­le­şer­dim. Bu­lar­dan baş­ga nä­me kö­me­gim de­gip bil­jek­di…

Ah, me­niň ejem! Özem kel­te boý­lu­ja, edil ça­gaň­ky ýa­ly päk ýü­rek­li, kü­müş saç­ly mäh­ri­ban ejem…

Hy­taý di­lin­den ter­ji­me eden Mäh­ri­ban GE­LE­NO­WA

Makalany PDF görnüşde ýükle