«Baglar ýanýar seň toýuňda…»

«Baglar ýanýar seň toýuňda…» «BAGLAR ÝANÝAR SEŇ TOÝUŇDA…»

Baglar ýanýar seň toýuňda,
Tylla monjuk ak boýunda.
Agaçmy, hol ýap boýunda,
Äpet sary gülmükä ýa?!

Kaddyň oýa batan gelin,
Enä meňzeş açyk eliň.
Ýygnaýany pessaý ýeliň
Güýz goýalan balmyka ýa?!

Göwnüýarym, näzikbeden,
Şahalary egip giden.
Bu başyma degip giden
Ýaprakmyka,
Elmikä ýa?!

Ýene bulut düýrüm-düýrüm,
Ezil göwnüm, ezil müýnüm.
Bu aglaýan senmi güýzüm,
Ýa şolmuka,
Şolmuka ýa…?!

Mämmetnazar BABANAZAROW. Goşgular