Duşmaga barýan
Duşmaga barýan
Men ýene-de señ ýanyña barýaryn,
Oýlanýaryn: «Indi kowasy ýok-la!»
Göz öñümde bolsa intizar gözleñ,
Diýýän: «Menden ýüzün sowasy ýok-la!»
Bilýän diýjegiñi: «Söýülsem-de men,
«Söýýän» diýen sözlerime däl eýe».
Men diýerin: «Çäre ýog-a ezizim,
Ykballary duşurmadyk täleýe».
Añýan geler ýene kän zat aýdasyñ,
Bolmanyn pikiriñ söýlerin öýden.
Düşünýänsiñ indi örteneñde-de,
Örlemegiñ giçdigine bir öýden.
Men ýene-de señ ýanyña barýaryn,
Jemläp saña arzuwlarmyñ gowusyn.
Barsam goýnuña sal, saklama gowzat,
Gara gözleñ dolup duran owasyn.
Batyr ÇARYÝEW. Goşgular
