Ýüregime
Ýüregime
Ýüregim, ýok günä mende,
Beýdip alma meniň hezlim.
Dünýä saňa ýerleşende
Sen giň dünýä ýerleşmezmiň?
Gujagymda göterdim men
Seni ylla bäbejik deý.
Seni diňdirip biler men
Näm edip heý, näm edip heý!?
Kişşik, kişşik bäbejigim:
Söýgi ýüzün sowsa eger
Ýaşar ýörär adam ogly,
Diňe ýetim galar jiger.
Meniň bagrymy diler sen,
Aglama sen bäbejik deý.
Seni diňdirip biler men
Näm edip heý, näm edip heý!? Goşgular
