Ýowuz hasabat
Ýowuz hasabat
Häzir söze kän bir ynanmaýarlar,
Ynam sütünleri jaýrylyp galdy.
Neslimizi dowam etjek aýallar,
Pagta frontynda maýrylyp galdy.
Ýer goýmadyk bäş-üç dowat sürmäge,
Gözümiz zar towşan, sülgün görmäge.
Dumly-duşda bir arkañy gyrmaga,
Himiki dökünden baýyrlyk galdy.
«Dillilikden» gowy görüldi «lallyk»,
Kim göterer, küle gaçdy halallyk?!
Ornuna lolulyk, mekirlik-allyk,
Çemeçillik, ogry-jümrülik galdy.
Köşk-binalar kany, gadymdan gelýän,
Ýykdylar, köpelip ateist bolýan.
Ýykylmadyklary garaşyk bolman,
Ýagyşdyr-ýagmyra ýumrulyp galdy.
Saýgaryp bilmedik garany-agy,
Tohap edenimiz özgäniñ tugy,
Arandygy üçin milli hukugy,
Köpler iş ornundan aýrylyp galdy.
Baýdaklaryñ gury pasyr-pasyry
bilen
Soñlap barýas uly asyry,
Mundan beýläk aýbymyzy basyryp
ýörmän,
Düzetmäge dogrulyk galdy.
Hemra ŞIR. Goşgular
