Ýerdäki melegim
Ýerdäki melegim
…Käte düşünip durmuşa,
Göwnüme getirsem gussa,
Eje, meni çagajyk deý
Gujakla ellermi gys-da.
Ynanaýyn bu synagly
durmuş oýun däldigine.
Goýberilen hatalaryň,
Akylly bir däliligne.
Kä ýykylsam, saýgarmasam,
Ýollaryñ beýigin, pesin.
Gujagyñda başym goýup,
Dökeýin ýüregmiñ posun.
Hasapsyz zat ýok ekeni,
Göwünde goýma:ly kine.
Ykbaldan haýyş eýlesem,
Mähir berermi kireýne.
Ýok, señ ýazdan ýyly mähriñ,
Tapylgysyz genji-baýlyk.
Hakdan soňra enelere,
Baş egýändir ähli barlyk.
Ýylgyr, birje ýylgyrşyňa,
Bütin dünýämi bererin.
Barlygym, baýlygym, barym
Sensiñ Ýerdäki melegim!
Nury SAKÇYÝEW. Goşgular
