«Ýene-de daň atdy…»
"Ýene-de daň atdy…"
Şahyr Azat Rahmanowa
Daň atdy ýene-de Hudaýa şükür,
Gözüm düşdi älem-jahan bossana.
Ýene-de dil açdy şahyr lirasy,
Eý, ötegçi, bir dem gulak assana.
Gözlerim eglendi daglarda, düzde,
Röwşendir gözüňe gören zatlaryň.
Bu dünýäde ýaşanyňy bagt bil,
Halyndan habar al ýakyn-ýatlaryň.
Gün ýaşýar, Gün dogýar, sen ýaşap ýörsüň,
Sen Häkimi geldi-geçer dünýäniň.
Sür döwrany, bu gün döwran seniňdir,
Ýöne unutmagyl ýere siňýäniň.
Daň atdy ýene-de Hudaýa şükür,
Gözüň düşdi älem-jahan bossana.
Ýene-de dil açdy şahyr lirasy,
Eý, ötegçi, diňlemäge gyssan-a!…
16.08.2024. Goşgular
