Ýaşyl sähra

Ýaşyl sähra ÝAŞYL SÄHRA

Gyzlañ pöwrize gaş gülýakasyndan,
Ýyldyrym nurundan ýasalan ýaly.
Gülleñ gözelligne gark bolupdyr, gör,
Ýaşyl sähra ýada salýar hyýaly.

Arşdan bakyp duran nurana Günüñ,
Zerden sapaklary guçup dur ýeri.
Heserläp guşlaryñ nagmalaryndan,
Üýtgeşik bir ylham gaplaýar seri.

Erkin şemal ýüzin salyp ak atyn,
Gör, nirädir eñip barýar alñasap.
Umman ýaly tolkun atýar maýsalar,
Ümsümlikden özboluşly heñ ýasap.

Çaga ýañak, nerme-näzik gülleri,
Tirmäge dözeñok.
Gözüñ nur alýar,
Bu sähranyñ namazlyk deý goýnuna,
Diñe ýagşy niýet bilen girilýär.

Amangeldi AMANOW. Goşgular