Ýaşaýar
Ýaşaýar
Goşgymyñ çuñunda dört örüm saçly,
Äsgermedik, asyrlary ýigrenýän
Bir gyz ýaşaýar.
Ellerim çekemde setirlerine
Barmagym nemlenýär.
Gözleri ýaşly bir gyz ýaşaýar.
Goşgymyñ her ýerini agtaryp görsem,
Ahmyrly nala,
A:h siñipdir neresseje harplara,
Gysylyp, döwülmän horlanan duýgy,
Million ýaşap, kütläp boý çeken gaýgy
Dyzlary ba:şly bir gyz ýaşaýar.
Goşgymda ýetdirmän, hol, öñdeläp dur,
Saçlaryn ogşadyp çäksiz zamana.
Aýagyn gabardyp ýortmaga taýyn,
Ýortmany ötenleñ ýerine hökman.
Goşgy gyzym söweşmäge-de taýyn,
Datly-perýatly,
Goçakdan-goçak,
Elleri daşly bir gyz ýaşaýar.
Goşgymyñ çuñunda bir gopgunlyk bar,
Käýemäñ maña ýylgyrşym üçin.
Niräni gözlesem aýagyñ yzy,
Güneşe garşy bir yz ýaşaýar.
Akbibi BESIM,
Türkmensähra. Goşgular
