Ýalñyzlyk hem ejizlik
Ýalñyzlyk hem ejizlik
Umytlarña büdreýärsiñ birbada,
Ýalñyzlygyñ gapyña gelen wagty.
Ähli umytlary taşlap egniñden,
Alñasap geçersiñ gapa çen ýoly.
Seniñ näzik kalbyñy gorky gaplar,
Ýalñyzlyk işikden ätlän mahaly.
Ol seniñ erkiñi eliñden alar,
Ähli oý-pikirleñ kazysy ýaly.
Ýalñyzlyk ömrüñe gadamyn basar,
Ejizlik duýgusyn guýup kalbyña.
Ruhuñdan özüniñ heýkelin ýasar,
Ejizler öwrüler onuñ guluna.
Ýalñyzlykda ejizler ýaşaýandyr.
Ýalñyzlygam ejizlikden nyşandyr.
Isa HOJAMERDANOW. Goşgular
