Walid ogly sen Halid
Walid ogly sen Halid
Sen Allanyň arslanydyň, şiridiň,
Halyl dosty Walid ogly sen Halid.
Küfüre zalym aždarydyň, marydyň,
Halyl dosty Walid ogly sen Halid.
Kysmatyň ne ajap ýazylan takdyrda,
Takdyr süzüp sünnäläpdir her tyrda,
Resul razylygy bolunan sen zorda,
Halyl dosty Walid ogly sen Halid.
Ägirtlik zor waspyň öçmez ýalyny,
Ýeke başyň uly goşunyň jemini,
Sarsdyran zaryp eden demiň alyny,
Halyl dosty Walid ogly sen Halid.
Salamym gönderdim şygyryma salyp,
Sen Pygamber dosty gol berseň galyp,
Alla şaýat bolsun, kysmatym sylyp,
Halmyrat ähid nama lebiz etdi bilip,
Halyl dosty Walid ogly sen Halid.
21.07.2023 ý. Goşgular
