Törebeg hanymyñ mawzoleýinde
Törebeg hanymyñ mawzoleýinde
XVI asyrda salnan bu ymarat henize-bu güne çenli öz durkuny saklaýar.
Ine, öñüñizde gadymýet dur,
Özüniñ şatlygy, hasraty bilen.
Ine, öñüñizde gadymy taryh,
Heniz açylmadyk bir gaty bilen,
Güni-güzerany, pyrkaty bilen.
Kim döretdi bu ajaýyp sungaty,
Nesiller, asyrlar dymýar bu mahal.
Niçik boldy ussalaryñ ykbaly,
Göz öñüme gelýär, ine, Täçmahal.
Beýik zady ýer ýüzünden sypyrmak,
Asyrlara eýgertmändir hiç mahal.
(Taryhyñ gatyna çümýärsiñ bada,
Beýikligi görüp, oýlansañ sähel).
On ädim gapdalyñ beýik minara,
Bize gadymýetden galan ýadygär.
Olaryñ hemmesi beýiklik ahyr,
Olar asyrlardan asyra ädýär.
Asyrlaryñ şatysyna döz gelen
Beýik sungat bilen
Gürleşip durun.
Geçmiş bolsun, köne bolsun parhy ýok
Beýik zada başym egmek dessurym.
Allaýar ÇÜRIÝEW. Goşgular
