Sonam bilen (degişme goşgy)

Tazykdyrma höwrümi,
Diňletmäwer böwrümi,
Ýatlap juwan döwrümi,
Çaý içsem sonam bilen.

Ummanda bile ýüzüp,
Näz edýäň gözüň süzüp,
Şanyna şygyr düzüp,
Çaý içsem sonam bilen.

Saýrar käkiliň taýy,
Ýaz bolar gyşyň aýy,
Ykbalyň beren paýy,
Çaý içsem sonam bilen.

Gurbat biýr goja göwne,
Guwanyp bagtly ömre,
Hüwdüläp, agtyk üwräp,
Çaý içsem sonam bilen.