Seýdini gören tut
Seýdini gören tut
Ezizow Muhammet — garabekli dost, —
Alyp gitdi bizi pagta meýdanna.
Daş-töwerek joşup, edýärdi telwas,
Ýygymçylar bäs edişil haýdanda.
Görkezdi bir tudy — dagyñ bölegi,
Her şahasy — goç ýigidiñ bilegi.
Adam dilegidi tuduñ dilegi:
Parahatlyk bolsun ýerde, asmanda!
Pagtaçylar çaýa geldi dessine,
Ýygnandylar ägirt tuduñ astyna.
Seýdi çykdy munda duşman kastyna
«Beglerini» owaz bilen aýdanda.
Kä halatlar atyn tuda baglady,
Nagra tartyp, gara bagryn daglady,
Goşgy ýazdy, goşgy bilen aglady
Bir mahallar şu ýalazy meýdanda.
Seýdini ýatladyk, okadyk şygyr,
Şahyr deñsizlikden bolupdyr ýagyr…
…Ýene-de kän zady syzdy bu bagyr
Gözeller Seýdiden aýdym aýdanda.
Geçmişde jigerin oda basan tut,
Asyrlañ heroine gadam basan tut.
Seýdini ýatlamda bir gez ösen tut
Guçýan seni her baramda, gaýdamda.
Saparmyrat ÖWEZBERDIÝEW. Goşgular
