Sal meni
Sal meni
Ömür!
Aýatda dirikäm men bu güzerde,
Barlag geçir eden-goýan işime.
Elim-dilim degen bolsa bir ýerde,
Sal meni temminiň azy dişine.
Dälmi men serim dik, tämiz ýürekli,
Bigörk täleýimden baky araň aç.
Ham iş ürbän bolsa,
Hut men derekli,
Sypyr abraýmy, galdyr ýalaňaç.
Ýol egreldip, soňam tapyp hasabyn,
Sylanýanyn dirikä et, bellisin,
Akaba heň ýazanlaryň azabyn,
Zeýhana uurýanyň,
Bergin temmisin.
Müň bir dana
Menden öňem bu gepi,
Saňa aýdyp-aýdyp galdy janserek.
Aýt ömür, araýaň sen haýsy nepi,
Haýasyza eşret sunup biderek?!
Kakabaý YLÝASOW. Goşgular
