«Şahyr bolçulygynda şygyr gytçylygy» diýen makalanyñ awtory Durdymuhammet Nuralyýewe duýgudaşlyk

"Şahyr bolçulygynda şygyr gytçylygy" diýen makalanyñ awtory Durdymuhammet Nuralyýewe duýgudaşlyk "ŞAHYR BOLÇULYGYNDA ŞYGYR GYTÇYLYGY" DIÝEN MAKALANYÑ AWTORY DURDYMUHAMMET NURALYÝEWE DUÝGUDAŞLYK

Janyñ ýakma, däl-ä bagyr azapdan,
Derýa boýlap, düre-sadaba ýetmez.
Pysyrdaşyp uçjak bolşy güzapdyr,
Bagdat aşýan şahyr hatara ýetmez.

Ýagşy söze aşyk gülli maýlary,
Duýman göriplige berlen aýlary,
Haçan görseñ gurulgydyr ýaýlary —
Ýöne bir gezegem atara ýetmez.

Alawa aýlanyp bilmän tütünden,
Nyrhyn sorar ýörer… gidip getirmez,
Hamyrmaýalary ajan setirler ~
Başa iş düşende kepene ýetmez.

Hiç zady ýüzüne almaýan bolsa,
Aryny ýerine salmaýan bolsa,
Halaly, haramy bilmeýän bolsa ~
Düýrme gylja ýetmez,sapana ýetmez.

Ynsan ýaly kyn öwrümli sowat ýok,
Jahan çaýkananda, oña böwet ýok,
Hyrawanyñ harmanynda döwek ýok ~
Mülk edinip, mekan tutara ýetmez.

Sallary gaýdyşyp, etmese toba,
Ene ýere meñzäp, gelmese taba,
Toýlarda-ýaslarda geçmese sana,
Gardaş, olar ata-götene ýetmez.

Baýram JÜTDIÝEW,
Türkmenistanyñ halk ýazyjysy. Goşgular