|

Sähram, seniñ ýelleriñden…

Sähram, seniñ ýelleriñden…

SÄHRAM, SENIÑ ÝELLERIÑDEN..

Sähram, seniñ ýelleriñden —
Ötüp, ötüp, ötüp ölsem!
Bu topragyñ ýüzlerinden,
Öpüp, öpüp, öpüp ölsem!
Ýöne ýatyp ölmesem!..

Razy, ozal dilberimden ~
Gagşap, gagşap, gagşap ölsem!
Çörek ýapan ellerinden ~
Ogşap, ogşap, ogşap ölsem!
Ýöne ýatyp ölmesem!..

Gökden inen ýüz belany ~
Gapyp, gapyp, gapyp ölsem!
Hanasyndan öz alamyñ ~
Akyp, akyp, akyp ölsem!
Ýöne ýatyp ölmesem!..

Dowzahyñ haramy, beti ~
Ýakyp, ýakyp, ýakyp ölsem!
Kim bulasa şu ymmaty ~
Tapyp, tapyp, tapyp ölsem!
Ýöne ýatyp ölmesem!..

Gök gürläp joşanda gaty ~
Çakyp, çakyp, çakyp ölsem!
Baş ýoldaşym bedew aty ~
Çapyp, çapyp, çapyp ölsem!
Ýöne ýatyp ölmesem!..

Baýram JÜTDIÝEW.

Goşgular

image_pdfMakalany PDF görnüşde ýükle