Redaktora ýazylan hat
Redaktora ýazylan hat
«Diliňe bitýär-ä, bagyşlap goýber»
Seýitmyrat Geldiýew
Sözüňe bitýär-ä, «bor» diýip goýber,
Goşgularmyň çap bolmagna kömek et.
Men gowşak bolsamam zor diýip goýber,
Goşgularmyň çap bolmagna kömek et.
Ejiz pikirlermi ýonup, aryflap,
Ýöntem setirlermi magtap, taryplap,
Dagynyk bolsalar sepläp, galyplap,
Goşgularmyň çap bolmagna kömek et.
Bir mätäje ýardam berseň sogap bor,
Kän çekilen yhlasyma jogap bor,
Arzuwyma ýetmegime sebäp bor,
Goşgularmyň çap bolmagna kömek et.
Parahat BATYROW.
