Pisse hekaýaty
Pisse hekaýaty
Günüň nury lowurdatdy meňzini,
Pisseler ýetişdi açyp agzyny.
Olary ýygdylar, sekä serdiler.
Pisseler bir Pissä sowal berdiler:
“Aýt sen, nämä açmaýarsyň agzyňy?
Senem güjeňle-dä doýgun maňzyňy!”
Pisse jogap beren gysyp egnini:
“Üýtgedip bilmerin Allaň emrini…”
Diýipdirler: “Näme diýýäň sen walla?
Agzyň açma diýen däldir-ä Alla!..”
Pisse diýenmişin: “Geçip dur aý-gün,
Ýaşap bilmerin-ä gizlemän aýbym.
Kä dodak ýylgyrsyn, kä gysylsyn diş,
Bähbide bolsa bes, başa inen iş.
Hakdan diläp ýörün gaýrat, güýç, dogum,
Agzym açsam bilerler-dä puçdugym…” Goşgular
