Pikirler: Döredijilik hakda, özüm — Osman Öde hakda
Pikirler: Döredijilik hakda, özüm — Osman Öde hakda
Döredijilik hakda, özüm — Osman Öde hakda
Eger kämilleşmegiň ýoluny görkez, täzeden edebiýata gelseň diýseler:
— Men edebiýata terjimeden gelmeli diýip pikir edýärin.
* * *
Eser döredilende täze obraz tapanyň üçin ýazýarmyň ýa tapan täze sýužetiň, wakaň üçin.
— Waka, sýužet öň tapylýar. Gahrymanlar şol wakalar esasynda döreýär.
* * *
Men ýaşaýyş üçin kitaplara minnetdar.
* * *
Eý, Hudaý jan!
Meni öldürme!
Ogluň Osman Ödä adamlaryň içki dünýälerini çeper eserlerde açyp görkezmäge puryja ber! Men ölmekden gorkýaryn. Ölmän, şeýle bir gowy romanlar döredesim gelýär. Halka, türkmen halkyna kän-kän gowy eserleri galdyrasym gelýär.
* * *
Ömrüň manysy aslyňy, özüňi tanamakdan başlanýar. Pederleriňe mynasyp bolmak, geljekki nesle özüňden gowy at — gowy amal galdyrmak her birimiziň mukaddes parzymyz.
* * *
Men taryhçy alym däl, ýöne türkmen halkymyzyň taryhyny ilik-düwme öwrenmekden çäksiz uly lezzet alýaryn. Elbetde, her bir intelligente, her bir türkmene öz taryhyny bilmek ýazylmadyk durmuşy kanun, zerurlyk. Bu her kimiň ömrüniň manysyny, durmuşdaky ornuny kesgitleýän aýratynlyk.
* * *
Eý, meniň ogullarym! Türkmen taryhyny öwreniň. Mümkinçiligi bolup öz taryhyny öwrenmeýän adam gaty telek iş etdigidir. Buýsançly taryhymyz bar.
Buýsanç — ýaşaýşa güýç berer. Sözler
