Ömrüñ manysy
Ömrüñ manysy
Ömür näme?!
Görünýärmi añyrsy?!
Bilemok haýsy gün galjagmy sowap.
Bar ýaly mende bir ýamanalgysy,
Ýagýar ömür hakda müñlerçe sowal.
Käte umytlarmyñ beýgelýär sesi,
Käte ähli umytlarym ýumrulýar.
Ömrüñ bir bölegin çilim tüssesi
Alyp, gök asmana sary ýuglugýar.
Geçmişimi ýatlap diñe hakyda,
Geljegmi meñzedýär syrly sowala.
Ömrüñ bir bölegin ajy hakykat,
Gaýdyryp goýberýär çytyk howada.
Ömrüñ bir bölegin sansyz gijeler,
Çyrşan setirlerme goýupdyr öwrüp.
Bütin ömrüm bölek-bölek kiseden
Çykan dek dagapdyr,
Hany meñ ömrüm?!
Gylyçmyrat KAKABAÝEW. Goşgular
