Mes gelin
Mes gelin
Ilki ärin aýlap urdy başyndan,
Aýlap urdy maşgalasyn, mesgenin.
— Men şahyr bolmaly!
Ajaýyp şahyr! —
Aýgytly karara geldi mes gelin!
Aýlap urdy şerim bilen haýany,
Aýlap urdy namys bile messebin.
Tammanyndan tug edinip,
paýtagta,
Poeziýa ýöriş etdi mes gelin!
A poeziýa pukaraja metjitdi,
Ýaşaýardy hikmetinden Allanyñ!
….Metjide girilýär köwşüñ çykaryp,
Keýgim, alyp gelewergi tammanyñ!..
1977 ý.
Nobatguly REJEBOW,
Türkmenistanyñ Halk ýazyjysy. Goşgular
