Men saňa garaşýan
Men saňa garaşýan
Saňa gudrat deýin garaşýan mydam!
Islän ýerňe gitmäge-de taýyn men.
Deň paýym alaryn şatlykdan-gamdan,
«Söýgi ýoň däl» diýselerem, kaýyl men.
Ýüregi daş ýaly gatan kişileň
Ünsem beremok men diýen-aýdanna.
Umytlary inçelendir kirişden,
Hyjuwlarnyň bolsa ýüzi gaýdandyr.
Dünýe dardyr duýgusy kör ynsana,
Kyndyr oňa durmuş çarhyn aýlamak.
Bagtyýarlyk — bir-birege günsaýyn
Artýan ynam hem-de söýgi paýlamak.
Terjime eden Orazmyrat Myradow Goşgular
