Men kim?
Men kim?
Men zulumyñ hem gandalyñ duşmany,
Garyplaryñ dosty, garyp nesli men.
Göni dömüp çykdym men gara ýerden,
Ýeriñ ogly, adalatyñ asly men.
Meniñ ýek görýänim baýardyr aga,
Olar men garybyñ aslyna duşman.
Men olary görsem jynym atlanýar,
Ýaşasañdy olara hiç sataşman.
Itden pis ýigrenýän şol agalary,
Olar ömürboýy doýanok gandan.
Hiç haýsyna haýpym gelmez olaryñ,
Olaryñ parhy ýok wagşy haýwandan.
Biziñ mañlaý derimizden beslenip,
Az däl, arman, mes ýaşaýan agalar.
Emma men olara sadyk gul bolman,
Maña guluñ guly diýse-de olar.
Gulpaça ÜLPET,
owgan şahyry.
Terjime eden: Ata ATAJANOW,
Gurbandurdy GURBANSÄHEDOW. Goşgular
