Men gaýdyp gelerin

Men gaýdyp gelerin MEN GAÝDYP GELERIN

Ykbalyň çöwrülip, ‎ý­yllaň azalna,
Boş hanada ‎ýel däl­iräp hazanda,
Dü‎ýnki dostlaň seni oka dözende –
Men ga‎ýdyp gelerin,
Gaýdyp gelerin.

Hiç haçan kalbyňa sy­raman syrgyn,
Badhyz pissesi dek gurgun bol gurgun,
Ummanda azaşyp ‎‎ýi­tirseň ugruň –
Men ga‎ýdyp gelerin,
Gaýdyp gelerin.

Ýylylyk gidende göz bilen demden,
Ýürek ‎ýaralarňa Hak bermän hemdem,
Derdiň pa‎ýlaşara tapmaňda hemdem –
Men ga‎ýdyp gelerin,
Gaýdyp gelerin.

Sende günä ‎ýokdur – baryny alýan,
Ýerler yrananda – balyny al‎ýan,
Bedewiň bagt sa‎ýyp – nalyny alýan –
Men ga‎ýdyp gelerin,
Gaýdyp gelerin.

Suw perisem gid‎ýär ahyr kamatdan,
Guşlaram çök‎ýärler galyp ganatdan,
A‎ýap,
gorap, ‎ýaman gepde­n,
gybatdan –
Men ga‎ýdyp gelerin,
Gaýdyp gelerin.

Çig s‎üýt emen adam pelegiň çarhyn –
A‎ýlap, ýör go‎ý mu­nda ýagşylyk dursun,
O‎ýnadanyň galar, bilmersiň ‎ýarsyp –
Men ga‎ýdyp gelerin,
Gaýdyp gelerin.

Kämil tapyp, günä du­zuňdan gitmek,
Geçilmez jena‎ýat – ÖZÜŇDEN gitmek,
Türkmeniň seň ‎ýaly gyzyndan gitmek –
Bolmaz. Men gelerin,
Ga‎ýdyp gelerin.

Ýandyranyň üçin, ‎ýa­nanyň üçin,
Daşa adyň aglap ‎ýa­zanyň üçin,
Meniň soňky sö‎ýgüm bolanyň üçin –
Ölmesem gelerin,
Ga‎ýdyp gelerin… Goşgular

Makalany PDF görnüşde ýükle