Magaziniñ pişigi
Magaziniñ pişigi
Sorap görseñ bahanasy «syçandyr»,
Magazinde meýlis gurar pişigim.
Kolbasadan elli bizar geçendir,
Et deregne mahmal urar pişigim.
Pisint etmez dulda duran balyga,
Garaşar özgeräk urdumşalyga.
Täze hala, ýüñ seçekli ýaglyga,
Diñkesini diker durar pişigim.
Dükandadyr howañ ýüzi ýagtylsa,
Mawlar durar, täze bir zat satylsa.
Dükançynyñ birden gaşy çytylsa,
Eýder-beýder, onam yrar pişigim.
Bir özüne bäş adamlyk sanadyp,
Beýtme diýseñ, düşündirer jan edip.
Jygyllykda birisini on edip,
Ili çürkäp, döwran sürer pişigim.
Käbirleri bakýar oña kineli,
Ýöne dogry zasa dogry diýmeli,
Olam jandar, olam bir zat iýmeli,
Il üstünden günün görer pişigim.
Ata KÖPEKMERGEN. Goşgular
