Leýlisaç
Leýlisaç
Egip otyr şahalaryn aşaga,
Göýä ynsan çekýän ýaly gam-gussa.
Ýapraklary pyşyrdaýar şemala,
Gürrüñ berýän ýaly owadan kyssa.
Uzyn baldaklary şeýle bir näzik,
Edepli gyz ýaly sülmüreýärler.
Onda yşkdan başga ýokdur-la ýazyk,
Iller töweregne gül büreýärler.
Aýt, leýlisaç, çawlap söýginiñ ody,
Ýa-da senem yşka düşüp galdyñmy?!
Aşyk-magşuklary goýnuñda gizläp,
Ýa olaryñ pynhanlygy bolduñmy?!
Syrly şahalaryñ egip aşaga,
Ýüreginde galan ýaly gam-gussa.
Ýapraklary pyşyrdaýar şemala,
Gürrüñ berýän ýaly söýgüli kyssa.
Tyllagözel AÝNAZAROWA. Goşgular
