Kyn sungat
Kyn sungat
Dünýäde kyn sungat adam tanamak,
Dost diýeniñ bir gün çykaýýar duşman.
Ýagşylyk tamasyn etmedik kişiñ,
Ýagşylyk edip ýör dilen çolaman.
Dünýäde kyn sungat adam tanamak,
Wepaly diýeniñ — wepasyz eken.
Käbir adam mañlaýyñdan sypalap,
Kalbyña çümdürýär zäherli tiken.
Dünýäde kyn sungat adam tanamak,
Ýagşylar köplükdir, ýamanlar azlyk.
Tersine bolaýsa eger bu ahwal,
Dünýäñ soñy geler, ýaşaýyş bolup.
Dünýäde kyn sungat adam tanamak,
Enaýy däl ýyldyzlary sanandan…
Ýamanlary ýagşy diýip tanagyn,
Ýagşylary ýaman diýip tanandan.
Aşyrguly BAÝRYÝEW. Goşgular
