Köñlüm
Köñlüm
Iliñ ýürekdäki ýagşy netini,
Eden ýagşylygyn az görme, köñlüm.
Dostlaryñ özün däl, hatda itini:
Bir göz bilen synlap,
Bir gözüñ bilen
Ýazgarma, köñlüm.
Ýamanlyga duşsañ, bagryñdan süzüp
Päklige öwür.
Şygyrlaryñy
Janyña dözüp,
(Meñzäp ýanyñdaky baky hemdeme)
Jigerbendine
Janyndan jan berýän aýal dek dogur.
Goý, ol uçup gitsin,
Toýlara barsa,
Meýlisler begenip, göwni hoş bolsun.
Dünýede namyrat galany görse,
Naçar dogan ýaly
Ýürekdeş bolsun.
Özgäñ saña ýowuz bolmaýşy ýaly,
Öz-özüñe ýowuz daragyn, köñlüm.
Akar suw dek pes tut
Elmydam päli,
Şapak reñki siñen bägül mysaly
Kän bolsun islegleñ, soragyñ, köñlüm.
Ahmet GURBANNEPESOW. Goşgular
