Kakar
Kakar
Remezan aýynda on tördi gije
Gözeller üýşerler, bir zyban kakar.
Garaşarlar, geler soltany täji,
Ýasawul aýlanyp, bir perman kakar.
Balyk ýüzebilmez suwa girende,
Guş pessaýlap düşer ýüzün görende,
Keibler hoş salamyn berende,
Başy asman ýeter, şol zaman kakar.
Göwher ýata bilmez suratyn bakyp,
Utana, aglaýyr derýadan çykyp,
Peek ot gorsamaz yşygyn ýakyp,
Eger ki meýl etse, bir lerzan kakar.
Bilbil gonmaz höwes eýläp gülüne,
Lal bolar, bir sözün almaz tiline,
Gazlar ýüzebilmez, batar kölüne,
Sallanyp ýörese, ol aýan kakar.
Gördüm, aý dogmady, bagty garadyr,
Gül uklady diýdim, bagry ýaradyr,
Ýyldyzlar dogmazlar, bu ne çäredir?
Ýar yşkynda bakyp, al asman kakar.
Zülpleriñ bir ujy lamekan gitdi,
Pelekler dyrmaşdy, asmana ýetdi.
Nepes neressäni goýdy, unutdy,
Yşkynda zarlaýyp, ol destan kakar.
Mollanepes. Goşgular
