Kaka, buşluk!
Kaka, buşluk!
Arzuwma şärikdeş mähribanym sen,
Çagalykdan zehinime guwandyň.
“Ulalaňda kim bolmakçy?!” diýeňde,
Diýerdim: «Men talyp boljak ulalsam”.
“Ykbal nesibäňe ynansaň näçe,
Şoňa iki esse özüňe ynan”.
Şowsuz dolanamda her ýyl öýmüze,
Diýerdiň: «Gynanma, ýene-de synan!”
Uzak ýyllar gulagmyzyň küýsäni,
Ýakymly habara intizar galdyň.
Gyzyň ynamyňy ödedi ahyr —
Kaka!
Kaka, buşluk men talyp boldum!
Aýbibi AÝMAKOWA.
Döwletmämmet Azady adyndaky Türkmen milli dünýä dilleri institutynyň talyby. Goşgular
