Hökümdar hem halypa hakynda hekaýat
Hökümdar hem halypa hakynda hekaýat
Ýurduñ hökümdary günleñ bir güni
Öz halypasyndan soranmyş şuny:
«Kemiñ bolsa iýmek-geýmek babatda,
Maña duýduraýgyn ýagdaýyñ hakda».
Halypa şeý diýen: «Eý, keremli şa,
Meniñ üçin batma gaýgy-endişä,
Iki sany gul bar meniñ elimde,
Olar ykbalyñy çözýär seniñ-de!»
Şanyñ ýüregine düşüpdir dowul:
«Meñ ykbalym çözýän o neneñsi gul?»
Halypa patyşañ gözlerne bakan
«O gullaryñ ady — isleg hem gahar.
Şol ikisi meniñ erkime tabyn,
Mundan artyk düşündirip durmaýyn.
Eger-de kim bolsa şolaryñ guly,
Günä gazanýandyr uludan-uly.
Sen — şa, näme etseñ, eliñde erkiñ,
Gowudyr öz çakyn tanasa her kim.
Hemmäni deñ çoýar asmanda güneş,
Hergiz men-menlikden durawergin daş». Goşgular
