«Hemle atyp gitdi şu gün bir adam…»
"Hemle atyp gitdi şu gün bir adam…"
Hemle atyp gitdi şu gün bir adam,
(Ne sebäpden hemleçiler köpelýär?)
O gendäniň gözleri ne aýylganç?
Meger, şonda gözleň nury gapylýar.
Şu gün ajal bolup indi başyma,
Belki, ol gardaşdyr, belki, dostumdyr.
Bigaýrat biriniň atan hemlesi,
Ýürek hasratyňdyr, ömre kastyňdyr.
Gitmeli wagtyndan ir gidýär adam,
Adam bir-birinden çekýär ezýeti.
Şunça ýaşap, göz ýetirdim bir zada,
Asgyn gelýär munda ata wesýeti…
30.11.2022. Goşgular
