Häzirki zaman toýlarynda

HÄZIRKI ZAMAN TOÝLARYNDA

Kanagaty ýetmän toýda serpaýa
Sesine nyrh kesip orta atýarlar.
"Aýdymçylar" bogazyna bat berip,
Aýdymy satýarlar,
sazy satýarlar.

Wepalysyraşyp olar şejerä,
Bagşydyryn öýdüp,
çenden aşyplar.
Münberiñ üstünde bolýar wejera,
Maýmyna dönýärler joşup-daşyplar.

Sesin salyp bazaryna toýlaryñ,
Artdyranam bolýar olar arzyny.
Bäş manatdan, on manatdan satýarlar —
(Näme üçin ýene şolar arzyly?).

Gümmürdeýär apparatlar, "susaklar",
Tansa çykýar geçi kimin süsekler.
Ata-baba gelýän beýik sungatyñ
Atýar ýüreginden bagşysumaklar.

Şadurdy ÇARYGULYÝEW.

Goşgular