Hakykat aýdymy
Hakykat aýdymy
HAKYKAT AÝDYMY
(Beýik akyldar Magtymguly Pyragynyñ 275 ýyllyk doglan gününe bagyşlaýaryn).
Göz açyp göreni
Sözdi, sungatdy.
Göz açyp göreni
Közdi, körükdi.
Şol közli ojakdan
Uçran odlar,
Soň başga ykbala
Çatdy,
Birikdi.
Ol körükde,
ýiti gylyç döredi.
hem gylyçdan yiti,
gylyçdan kesgir,
neştere barabar
sungat döredi.
atylan ok ýa-da parran gylyçlaň,
güýjüne barabar
goşgy döredi.
ol sungat öýünde, edep öýünde,
ýonaçyň agtygy
göz açdy dünýä.
bu gowgaly dünýä,
gaýgyly dünýä.
Ilki oňa
beýik daglar göründi.
ýasalan gorganlar,
beýik bynalar
hem azym hünärler
baglar göründi.
Bu umgaly daglar,
Sowuk çeşmeler,
Hem salgymly sähra,
Gumly çägeler,
Ýalaňaç çagany
Gujagna basdy.
bu çagaň damary
yssy-dy yssy.
Topragyň synasy,
Yssy ýürekleri
Seljerýän eken.
Ol sahara ogluny
Bagryna gysdy.
Şeýdip ýonaçynyň agtygy ösdi.
Daglara daýandy,
Berkeşdi ynam .
Jülgeleriň gursagyna sygyndy.
Çynarlaryň saýasyna söýendi.
Giň asmany goçdy,
Buludy goçdy,
Ol şamak batanda
Aýly asmana,
Nerdywan diredi
Ülkeri ýakdy.
Ýyldyza baý boldy,
Sogrup neşterlerin
Ýollara dökdi.
Soň golda göterip
Közli şapagy,
Gündize çatdy.
Şeýdibem asmanda,
Bu giň jahanyň
Iň gymmatly zadyn,
Kuýaşy tapdy.
Bulut kölgelemän,
Damja öwrülmän,
Teşne ýatan çöle
ýagmyr dammanda,
ol ýagmyr diledi.
soň çabga syňdy,
ezilen köýnegin,
meňliniň hut özi
saç bagyndan serdi,
zülpünden asdy.
Şeýdip ýonaçynyň agtygy ösdi.
Soň bahar serpildi,
Toprak dalandy,
Söýgi wysal tapman
Mallar dargady!
Dargady kitaplar,
Reýgan kylyndy.
Dargady mekdepler,
Weýran kylyndy.
Ýöne ýönaçynyň agtygy
Sarsman,
"Bagyr ýaşyn döküp köňül gözünden"
Köňüli dargamady,
Hiç dargamady.
Oň söýgisi Meňli,
Söýgedi il-di.
Gözlegi hakykat,
Ummandy köldi.
Ol jahany gezen
Uzalan saldy.
Hem aşykdy,
Hemem özi wysaldy.
Ol durşuna owaz,
Giden aýdymdy.
Ol aýdym diňmedi,
Il gulak asdy.
Ine bu aýdymda,
Azadyň ogly
Beýik oýragymyz
Ulaldy,
Ösdi.
Gapur HOJA.
Goşgular
