«Ha» harpy
«Ha» harpy
Dildada bolaly saňa jana alas-sahyh,
Boldum jahanda yşk ile şeýda alas-sahyh.
Yşkyň meni bu dährde, eý, Leýliýi jemal,
Manendi Kaýys eýledi ryswa alas-sahyh.
Derdi derun-u dagy nemeksudymy görüp,
Dermanda boldy jümle atteba alas-sahyh.
Mujeznemaýy laglyňa jan ru isem seniň,
Bagş eýlemekde ruhy Mesiha alas-sahyh.
Gammazy eşk sahypaýy roýumda, eý, Wesim,
Raz-nyhanymy etdi hüweýda alas-sahyh.
* * *
Ol huda-ýu hasan ol, katdy bala alas-sahyh,
Diwana kyldy köňlümi jana alas-sahyh.
Ýeke janla bolardy hyrydaryň, eý, peri,
Husnuň göreýdi Ýusuby zyba alas-sahyh.
Balaýy serefrazyň üçin rasty söýlegil,
Hemta bolarmy katdyňa tuba alas-sahyh.
Adam degil ki hak muňa ol roýy mahweşiň,
Ruhul-emini eýledi şeýda alas-sahyh.
Etdi Wesimi bir saçy Leýla bu dährde,
Manendi Kaýys badyýe peýma alas-sahyh.
* * *
Bermedi kam dile peýzi meýi nap parh,
Akmady gülşen amalymyza ap parh.
Ruz bagtym şep taryga mübetdel boldy,
Dogmady täleýme mähri jahantap parh.
Galdy derbeste, daryg-a, gamla beýt serwer,
Maňa feth bolmady set haýp ki äbwap parh.
Meý-u mahbup müheýýa ola mejlisde mydam,
Mundan özge ýa nedir yşga esbap parh.
Bu syýah käse gerdun Wesim-ä ahyr,
Sundy zährap sütem bermedi jullap parh.
__________________________
Alas-sahyh — dogrudan hem.
Derdi derun-u dag — içde ýanýan otly dert.
Nemeksut — duzlanan.
Jümle atteba — ähli tebipler.
Mujeznema — täsinlik görkezýän.
Mesiha — Isa pygamberiň lakamy.
Gammazy eşk sahypa roýumda — töhmetçi gözýaşlar ýüz keşbimde.
Raz-nyhany hüweýda etmek— gizlin syrlary äşgär etmek.
Balaýy serefraz — beýik mertebeli.
Hemta bolmak — taý bolmak.
Ruhul-emin — Jebraýylyň lakamy.
Saçy Leýla — gara saçly.
Badyýe peýma — çöl sökýän, sähra-beýewany aýlanýan.
Kam – arzuw-hyýal.
Ruz bagtym şep taryga mübetdel — ak bagtym gara öwrüldi.
Täleý — bagt.
Jahantap — ýagty saçýan.
Derbeste — daňylgy.
Beýdi serwer — öýüň hojaýyny.
Feth bolmak — açylmak.
Äbwap — gapy.
Müheýýa bolmak — taýýar bolmak.
Syýah käseýi gerdun — gara pyýalaly takdyr.
Sundy zährap — hapa suw.
Jullap — gülap suwy. Goşgular
